ASKARI WANYAMAPORI WA VIJIJI KUTOKA MANYONI WAPATIWA MAFUNZO YA KUPAMBANA NA WANYAMA WAKALI NA WAHARIBIFU

Na. Prisca Libaga,Dodoma

Wizara ya Maliasili na Utalii inaendesha mafunzo ya kudhibiti wanyama wakali na waharibifu kwa Askari wanyamapori wa vijiji wapatao 24 kutoka Wilaya ya Manyoni.

 Mafunzo  yanayotarajiwa kukamilishwa Mwishoni mwa mwezi Februari 2024 ambaio yanaendeshwa katika Chuo cha Likuyu Sekamaganga kilichopo mkoani Ruvuma.

Pichani  niNaibu Waziri wa Maliasili na Utalii Mhe. Dunstan Kitandula(Mb)

Hayo yamebainika leo Bungeni wakati Naibu Waziri wa Maliasili na Utalii Mhe. Dunstan Kitandula(Mb) akijibu swali lililoulizwa na Mheshimiwa Dkt. Pius Stephen Chaya, Mbunge wa Manyoni Mashariki ambaye alitaka kujua Je nini mkakati wa serikali wa kudhibiti tembo wanaoathiri wakulima wa korosho wa tarafa ya Nkonko? 

Aidha Mhe. Kitandula aliongeza kuwa katika kukabiliana na changamoto ya migongano baina ya binadamu na wanyamapori nchini, Serikali kupitia Wizara ya Maliasili na Utalii imekuwa ikichukua hatua mbalimbali ikiwa ni pamoja na kuandaa na kutekeleza Mkakati wa Kitaifa wa Kusimamia Utatuzi wa Migongano baina ya Binadamu na Wanyamapori wa mwaka 2020-2024.

Mhe. Kitandula aliongeza kuwa katika vijiji vya Nkonko, Mpola na Mpapa vilivyopo katika Tarafa ya Nkonko, Serikali kupitia Wizara imeendelea kutoa elimu ya uhifadhi na mbinu za kukabiliana na wanyampori wakali na waharibifu hususan tembo ili kuwajengea wananchi uwezo. 

"Sambamba na jitihada hizo,  Wizara imejenga kituo cha askari wa wanyamapori katika Kijiji cha Nkonko kilichopo Tarafa ya Nkonko. Aidha, kwa  mwaka 2023/24 Wizara imepanga kujenga kituo cha Askari wa wanyamapori katika Makao Makuu ya Pori la Akiba Kizigo kwa ajili ya udhibiti wa wanyamapori wakali na waharibifu katika Tarafa zenye changamoto hiyo ikiwemo Nkonko’ alisema Mhe. Kitandula.

Kwa upande wa ulipwaji wa kifuta jasho na kifuta machozi  Mhe. Kitandula aliongeza kuwa Wizara imeshatoa zaidi ya shilingi milioni  69 katika wilaya ya Manyoni kwa ajili ya kifuta jasho na kifuta machozi hadi kufikia mwishoni mwa mwaka wa fedha 2022/23, na kwamba kwa mwaka 2023/24 matukio 226 yameripotiwa na kufanyiwa tathmini; na sasa wizara ipo kwenye hatua za mwisho za kufanya uhakiki ili wananchi wanaostahili waweze kupatiwa kifuta jasho na kifuta machozi.

Kuhusu jitihada za Wizara katika kukabiliana na tatizo la Mamba, Mhe. Kitandula alilieleza bunge kuwa Taasisi ya Utafiti wa wanyamapori (TAWIRI) imebuni mfumo  wa kuwalinda wananchi kwa kutumia vizimba vinavyojengwa kwenye maeneo ambayo wananchi wanayatumia kuchota maji na shughuli nyingine za kibinadamu kwenye maeneo yenye tatizo la mamba.


 Aidha, ametoa rai kwa Halmashauri zinazokabiliwa na changamoto hii kutenga fedha kwenye bajeti zao zitakazowezesha kugharamia uwekaji wa vizimba kwenye maeneo yao yenye changamoto ya mamba.

Comments

Post a Comment

Popular posts from this blog

SHULE YA MCHEPUO WA KIINGEREZA RITALIZA MKOANI KILIMANJARO YATANGAZA DIRISHA LA UDAHILI KWA MADARA YA AWALI NA MSINGI

Image
 Na Pendo Mkonyi, Kilimanjaro Mkuu msaidizi wa shule ya msingi ya mchepuo wa kiingereza ya Ritaliza iliyopo wilayani Rombo mkoani Kilimanjaro Bwana Simon Shayo anawatangazia wazazi na walezi nafasi za masomo kwa watoto wao kwa mwaka 2024. Akizungumza na vyombo vya habari mkuu msaidizi wa shule ya mchepuo wa kiingereza ya awali na msingi ya Ritaliza amesema kuwa kutokana na umuhimu wa elimu Kwa watoto na ni haki yao kujisomea shule inazo nafasi chache za kuwapokea watoto Kwa madarasa yote. Pichani ni mkuu wa shule msaidizi shule ya msingi Ritaliza Bwana Simon Shayo. Nafasi za masomo ni katika madarasa ya chekechea,1,2,3,4,5,na 6 na shule  hiyo ni ya kutwa na Bweni kwa jinsia zote,shule inatoa huduma ya usafiri wa uhakika  pamoja na upatikanaji wa huduma za kiroho Kwa dini zote. Aidha shule ya Ritaliza  ni shule  ya mchepuo ya kiingereza (ENGLISH MEDIUM)iliyopo mkoani Kilimanjaro katika wilaya ya Rombo kata ya holili ambayo ilianzishwa mwaka 2007. Shule ya Ritaliza inawalea watoto katika
Read more

MZALIWA WA KWANZA WA NABII MKUU GEOR DAVIE AZIKWA KATIKA NYUMBA YAKE YA MILELE

Image
  Na Pendo Mkonyi, Arusha. Waziri wa nchi ofisi ya Rais Mipango na  Uwekezaji Profesa Kitila Mkumbo amesema Serikali inatambua umuhimu wa mtanzania bila kujali dini,kabila Haiba katika maendeleo ya Nchi. Picha ya mwisho ya Nic Geor Davie(NISHER) Akizungumza katika ibada  maalum ya maziko ya  kifo Cha Nisher Geor Davie kilichotokea mnamo  Tarehe 12 mwezi wa 12 ,prof Kitila alisema kuwa  Geor Davie ni mtu wa Mungu na amekuwa akiliombea Taifa lakini kibinadamu yeye ni binadamu kama watu wengine ana nyama na Damu hivyo anastahili kutiwa moyo kama walivyo binadamu wengine. Alisema kuwa Umri wa Nisher ni mdogo ukilinganisha na ahadi ya Mungu ,ya  mwanadamu kuishi miaka 70 kulingana na vitabu vya Mungu,miaka 66 Kwa mtanzania, japokuwa kuhusu kufa ni mpango wa Mungu kwani hakuna ajuaye anapaswa kuishi Kwa Muda Gani. Mkuu wa mkoa wa Arusha John Mongela akizungumza katika sherehe za Kumuaga Nisher amesema kuwa huwezi kutaja mkoa wa Arusha usitaje huduma ya kitaifa ya Ngurumo ya Upako. Alisema ku
Read more

CHUO CHA OLOKII CHATANGAZA DIRISHA LA UDAHILI KWA WANAVYUO KWA MWAKA 2023/2024.

Image
  Na Pendo Mkonyi, Arusha. Chuo Cha  Ufundi Stadi Cha Olokii kilichopo chini ya Kanisa la Kiinjili Kilutheri  Tanzania(KKKT)Dayosis ya kaskazin Kati Kinatangaza Dawati la udahili Kwa mwaka 2023/2024. Pichani ni Baadhi ya Wahitimu wa kozi  ya fani ya umeme katika chuo Cha Ufundi Olokii. Akizungumza na vyombo vya habari mkuu wa chuo cha Olokii Eng.Zelothe  Meshevi Mollel amesema kua Dirisha la udahili liko wazazi sasa kwa ajili ya kuwasaidia vijana kukamilisha ndoto zao. Alisema kuwa ikiwa kijana ana kiu ya kufikia ndoto zake chuo hicho  kipo tayari kumsaidia kwani wapo waalimu waliobobea katika masuala ya ufundishaji wa fani mbalimbali za ufundi. Aidha mpaka sasa chuo hicho kimeshazalisha wataam zaidi ya 900  tangu mwaka 2009 kutoka sehemu mbalimbali nchini Tanzania. Watoto wa kitanzania wengi wao wapo kwenye ajira  mbalimbali  wakipigania ndoto zao katika sekta mbalimbali kutokana na kufuzu vema katika chuo cha kanisa cha Olokii. Mkuu wa chuo Eng. Zelothe wakati akizungumza na vyombo v
Read more